激勵八卦 ~~

今日繼續試打自創既激勵八卦 ~~
吳夫人、八卦、河粘、一騎、趙累

一開頭唸住試下激勵之舞，咁唸緊有咩計配落去好玩既呢 ~~
見人地開一卦200%血咁好玩 ~~ 所以就唸左配八卦 ~~

自己覺得八卦最勁既始終係二卦，用得好既話人地號令真係唔駛驚！
而二卦一定係一槍一騎既組合係最好，基於已經有2.5cost，所以就一定係2.5+2+1呢個組合！
但係蜀國大槍得張飛，咁不如打返業務用算，所以揀左吳國既大槍甘寧！首先9武6知有勇，基本能力一流，再加河粘係亞洲版都算幾惡，所以揀左佢！咁騎兵就要揀2cost 8武喇！只有兩隻揀，馬超魏延！無理由揀魏延啦！邊隻俾佢斬？所以揀左之前大德用開既一騎馬超！
最後1cost就係揀返條欄喇！唔想用弓兵！騎兵1cost又無欄！所以得返兩張可以揀，趙累同張昭！結果揀左可以combo車輪既趙累！

暫時試左10局，勝率6成！（其實有一舖輸係輸俾人呂布屈左兩次一騎......有一舖就猶疑無開到一卦）
結果係幾鐘意呢副deck！雖然係要做一大輪野先有優勢！但係好玩！
88c可以開到激勵，咁人地有6氣個陣自己都差唔多有6氣！用一次二卦同人打！守得住第一波6士氣基本上就有優勢！
如果人地唔落黎，爆士氣可以一卦甘寧，到人地落黎又有二卦！
如果人地落黎，二卦再加個車輪又得！有水火雷可以一騎先再二卦！
如果俾人壓落黎二卦守唔住，可以三卦河粘！
因為八卦今集既應變能力高左，變相地激勵可以不停咁八卦真係好正！
計過就算激勵係1.6倍速！跳左激勵之後都有成35-36士氣用！結果係至少可以用五次八卦！（中間可以用一次粘或者車輪）
進攻方面，二卦加車輪其實好大機會攻到城！又或者二卦之後再一卦甘寧都ok！

暫時未唸到既係用咩軍師！之前試過業炎，儲太耐唔係太work！
所以而家既選擇係陸遜，如果有三代諸葛，可能會試下龐統！

3.0 戰績：
-- 正IC 龐鳳雛
官階：三品
全國對人戰績：61勝1和22敗(72.6%)