再談3.1

今次講下我暫時試過既deck！

1. 鬼神（關羽、張遼、龐德、賈詡）
雖然由一代開始，鬼神關羽既能力值就無變過，但係3.1既鬼神兩隻差就有雷，
實在係非常好用，起碼對到6人deck可以就咁當加10武超絕用！
就算係五人deck，都起碼唔駛成日都唸住要死晒其他人先用得鬼神，
可以留返隻張遼幫手守下城（不過我有時會羅黎偷城）！
因為咁，四枚既鬼神比以前任何一個version更易用，更強！
暫時黎講都算做好打，不過有兩副9:1既deck：全突、漢神醫！
全突就唔駛講啦，漢神醫都係針爆deck，神速有車輪，離間有神醫，鬼神有誘惑
除非對面fd，你封晒槍突完兩隻騎都未突落黎，否則又係無得打！

2. 全突
其實只係試過幾舖，打過五枚（馬超、龐德、紀靈、張寶、張繡）
同四枚（馬超、飛將呂布、馬騰、張寶）。
全突今集真係強左好多，2.5倍速，突擊威力超強，時間仲有7C！
只要控兵強，基本上無咩下風deck，因為仲有隻張寶！個風超好用！
不過眼見現時唔少全突玩家都未控到2.5倍速既騎。（我偶像魔人就用得超勁喇！）
順便講講西涼之亂時間短，不過+8武，尚算有用！

3. 決起（皇甫嵩、劉備、孫堅、張任、獻帝）
自己只係打過幾舖，同之前既感覺一樣，並唔係一副易用既deck！
因為三國力大號令之前個18士氣時間，即係起碼60C都只可以用細計！
幾相地守城既功夫要好，唔可以輸太多城血俾人，後面先可以追得返！
不過眼見改良左，用陶謙版既決起deck，某程度上早d打散對方，
令自己容易打後段都係一個理想既出路！

4. 憂國（盧植、顏良、孫堅、王美人、蔡邕）
憂國係亞洲版改強，+5武-4武，有九武力差，實際上可以講係幾強既英傑號令！
範圍又大，好容易圈到對面三隻，咁就已經好好打！
不過我自己打呢副deck有時會變左王美人deck，因為決起雷太勁喇！
0國力殺三智、1國力殺五智、2國力殺8智！用黎殺key card再用騎兵打實在太強！

5. 天意雙反（關索、張飛、荀彧、劉曄、馬謖、樂進）
九士氣既時候，壓場天意再控玄反的確強勁！不過有幾多人可以隨心所慾用到隻玄反？
另外若果對面有細計，用兩次都好有可能守得到你！
所以我覺得如果雙方同級，呢副deck未必有上風！
而且軍師一定俾人估中係七星，好容易俾人一個機會傷害計清場就玩完！

6. 屍越（孫堅、太史慈、張紘、朱桓、諸葛謹）
因為自己無周姬，唯有打住其他人先！+10武有8C，其實非常好推！
用大弓壓前再過半場用屍越都非常強！
不過缺點就係未用屍之前基本武力低，好易俾人壓到場殺細路仔！
所以都係易用難精既deck！

7. 地勢（荀攸、郝昭、蔡瑁、曹植、曹洪、郭嘉）
我自己就配埋危地，打多個combo！隻城內連環....其實無咩機會用到！
另外地勢既範圍有3.0既大德咁大，危地都大，所以呢副deck可以活用大範圍去打！
但係因為細力，而且combo用士氣都算多！所以.....都係玩下者！

8. 臥龍（諸葛亮、夏侯淵、張苞、李通）
五士氣25c既計略其實非常好用，諸葛亮自己又有活，其實都唔算太差！
不過今集回士氣速度慢，唔似3.5咁夾到一騎，或者兩連掛！
所以我唸過配亂擊！威力其實唔差！15武亂擊遠弓麻矢！足夠清場！
係一次臥龍既時間仲可以做到兩次combo添！
不過因為咁樣令到副deck機動力過低，變成好多時都係一兩下既勝負！

9. 孫武（陸遜、呂蒙、張紘、孫桓、太史享、呂範）
孫武今集叉9C，但係有13C時間，終於合理返（無咁長時間叉黎做乜q）
所以打六枚加7武其實都幾好打！不過開幕弱！
另外呂範三士氣都有唔短既時間弱體弓，係攻守兼備既計略！
而且我會用返地火，因為今集個孫武係可以引到人落黎中陷阱~~~~

以上係我暫時打過各得可行既deck，有d廚，有d唔太廚！
唔想用咁多普通deck既，可以試下4、7同8！


呢兩日唸左三副deck，呢幾日會試下，試完再報告！

1. 八卦（諸葛亮、關興、張苞、孟優、廖化）
2. 蜀單天意（關索、白銀、張飛、月姬、夏侯霸）
3. 機略（司馬懿、槍龐德、郭淮、曹仁、劉曄）
4. ????（河賊、太史慈、陶謙、蔡邕、劉璋）

淺談 3.1

因為3.1已經開始左，之前想做既野暫時唔繼住！
3.1出左兩個幾星期，姑且係度講下自己既意見先！

首先，3.1陣略變成唔再係永續，好處係
1. 唔見晒d龜你半場，之後堅推你半場既deck（即係精兵戰陣！）
2. 又唔見左D用陣略龜你12士氣既deck（即係知勇兼陣！）
3. 地火弱左，個班淨係龜你龜到你中陷阱既人又唔見晒 ~~~~

變相地可以回歸三國既基本，有控兵有策略先可以贏，唔係靠陣略兼好彩取勝！

第二，幾副3.0既廚deck無晒，霸求、地火攻守、黃忠wara、忠義！
呢d deck既麻煩大家都知！所以無晒佢地真係一件好事！
（不過個人而言，有d deck其實仲可以打，只不過唔似3.0咁廚咁易用者）

不過，新version都有一d較易用既廚deck！
暫時望落去，魏武六枚、決起、漢神醫、我屍、天意雙反、人心赤火
呢幾副算係威力幾好，用落又唔駛唸太多野既deck！
（當然唸法簡單係易用，不過唔代表易贏，因為呢集既玩家修正回升！）

兩個星期過去，其實自己都係打左一張ic左右，打過十零副deck，
所以我講既可能大家未必認同。（d上位可能會話我戇X添）

下回再續，講下自己打過既deck，有機會會講埋自己見過既同對過既deck！

武將卡分析1 ---- 魏001 ~ 魏006

魏001 于禁 1.5cost 槍兵 武5知5 伏 隱密戰法(3)

能力一般，+2武隱密，有廿幾c。可以當魏武強兵，爆士氣用；隱密左對對方既騎兵亦有一定既牽制作用，不過如果只係因為對付騎兵，咁用程昱可能仲會好d！魏國1.5cost既槍只係得佢同滿寵，作為次要武力要員，5武真係唔多夠用！不過因為魏國既槍其實隻隻都唔多好用，所以如果只係想要一支槍護騎兵攻城，1cost唔夠，2cost又多得滯，佢都ok既！

建議卡組：曹操、R夏侯淵、于禁、樂進、賈詡


魏002 王異 1.5cost 弓兵 武4知8 柵魅 暴勇之報(5)

計略範圍細，近身，減10武減速，有效時間目測比其他妨害計略短！計略一定係封殺對方KEY CARD，但係近身，而且佢係弓兵，好難做到呢一點，可行既方法係出城個陣用！但係對付號令唔夠用，一般超絕又可以快到你捉佢唔到，唯一就係可以針對白血黃忠，0武兩條血都好快死！另外可行既方法就係配飛天，本身有柵岩跳舞用，二來加左速可以用到計略既機會大好多！

建議卡組：蔡文姬、王異、祖茂、龐德、張紘、樂進


魏003 賈詡 1cost 騎兵 武1知9 伏 離間之計(6)

計略減4武減3知0.6倍速，絕對係妨害系計略既精選，一次過滿足晒三個願望！而且3.0既範圍都好大，一般圓形既號令都俾佢包晒（如機略、忠義）！實用性非常高！（其實佢幾勁大家都知，所以唔講咁多喇）

建議卡組：曹操、龐德、曹仁、樂進、賈詡


魏004 郭嘉 1.5cost 騎兵 武4知9 伏 剎那之神速(3)

1.5cost有剎那神速用其實幾吸引，+2武好過日本，範圍又大，其實幾好！不過魏國1.5cost騎兵，曹仁實在太優秀，所以郭嘉起初無咁多人用！但係因為佢打返傳統霸求有優勢，所以開始有人用佢取代曹仁！呢張卡其實用得好，可以3士氣清人場，不過又有幾多人敢用一個短時間計去打呢？

建議卡組：曹操、龐德、郭嘉、樂進、賈詡


魏005 郭皇后 1cost 騎兵 武2知7 魅 弱體化之小計(4)

呢張卡其實唔錯，4士氣可以減4武，範圍都唔係細（同離間差唔多），其實有一定既潛力，只可惜賈詡實在太廚，佢出現既機會唔多！一個英傑號令都要6士氣先有5武，佢4士氣就可以4武，數係咁計，不過要中全軍應該無可能，目標係低知高武既話，其實都唔係話用唔過！

建議卡組：張遼、曹仁、郭皇后、樂進、曹昂、劉曄


魏006 樂進 1cost 騎兵 武4知3 強化戰法(4)

計略變成強化戰法，一樣無損佢1cost騎兵王既地位，因為4武1cost只係得返佢，有3知其實真係破格！3.0既突擊威力大左，4武突人都幾痛。偷城同防偷城都一流，要撐大deck既武力，騎兵首選！

建議卡組：張遼、樂進、UC夏侯惇、賈詡、曹仁


今日打到呢度，下回再續！

淺談近況

幾個月之前岩岩出3.0個陣，突然間多左好多人打三國blog，點知而家好多人都無再打（包括自己都無！）。原因可能係大家都忙左，又或者3.0真係無咁好玩！少左人玩！（自己都打少左好多）

自己打少左既原因，最主要都係因為失業，所以要慳d駛，直到搵到份工為止！但係自己仍然未唸到想做咩！因為其實自己真係好鐘意教書！
所以而家想搵代課，或者係補習兼職！等下年再搵過！但係呢年既生活點呢？唉！頭都大埋！

講返三國，自己原來已經用過八成既卡打全國！一路都想做樣野！而家既然無工開，我唸可以做下喇！就係逐張卡逐張卡講下！（扮日本d書仔）當然我唔係高手，只係想發下up風！如果有人睇住覺得唔岩或者唔like既！唔好意思！~~~~
（但係我有無恆心可以講得晒呢？哈哈）
下篇開始就會分析下每張卡！有興趣既人先好睇啦！

Starter Pack 之旅 5

為左軍糧，報到打兩舖大會！
今日既使用deck仍然係UC淵、徐晃、劉封、牛金、張松

三十二戰目：vs 黃忠wara（黃忠、左慈、張梁、月姬、龐統、李催）

deck已經下風，仲要中間爛地......
好在開幕兩隻伏係兩邊，開晒之後返黎！
然後兩隻大既兩邊護兩隻細既落去，係黃忠既另一邊因為大力，
結果成功打散佢個陣！只係俾佢黃忠七星再老當打左一下！
最後16、17c神速清左慈黃忠月姬之後，四打三之下打返三下反勝！

三十三戰目：vs 黃忠wara（黃忠、左慈、張梁、月姬、龐統、李催）

同樣既deck，但係由二品變左太尉！今次係左邊一個細草！
開幕淨係開到左慈，之後神速被連環！但係散打走位守得住！
中間蜀引左黃忠左慈加神速，但係俾佢七星殺唔到！
仲連環左我兩隻，結果死左兩隻大，落到黎一個老當，屈左我兩下！
最後一波因為食左迎擊，推遲左攻勢，打唔入輸左！

排出卡：裴元紹、呂範

starter 戰績：33戰17勝2和14負！

暫時有卡：
魏：牛金、uc夏侯淵、隻眼、曹植、徐晃、卞皇后
蜀：馬良、王平、龐統、張松、uc張飛、sr魏延
吳：凌統、孫桓、周瑜*2、張昭、凌操*2、呂範
群：于吉、程遠志、雷薄*2、袁術、裴元紹
軍師：陳群*3、張昭、呂蒙、賈詡、周瑜

暴虐 ~~

兩個星期無打過呢個日記，因為打既 deck 同之前無咩分別，唔係好想打住，另外就係因為呢兩個星期都打少左！

不過呢兩日大會，都打左一兩條，仲因為唔駛驚跌可以試新deck ~~

呢兩日試左暴虐，真係好短，6c都無！
我副deck係咁：董卓、金孫策、呂姬、張紘、陳蘭，軍師周瑜

開頭唸呢副deck係想打開幕個一波 ~~ 砌到8cost都係人屬性！
要個增援開幕送架攻城車上去門口，打到一下就回返晒本！
（之前online打過一副混蜀攻成車配精兵，取材自個舖）

開頭都唸過混蜀，可以砌到5魅打開幕（馬超、黃月英、銀屏），
但係黃月英得個魅仲係天屬性，而且咁樣得董卓同黃月英可以開伏，
咁就細左機會可以攻城車打城門！
所以用陳蘭，貪佢大力d。咁群個5cost都係人，自然唸人屬性既軍師！
人屬性軍師，如果係精兵我又覺得蝕，因為時間短！
而且埋到去d人都無左五六成血，效果一般！所以唸增援！
結果就得出呢副deck ~~

呢兩日前後打左13舖，8勝5負！贏既大多數都係打到個form！
平均損血地開伏，護到隻攻城車到城邊就拍暴虐！
如果唔夠血就增援左先暴虐！

輸左幾舖，其中兩三舖對面有左慈！其中一隻剋星！

呢副野好就好左大部份deck都唔夠快有號令對車！
通常都可以打到城同呃到個再起！（唔係打再起應該死得）
不過如果對面有隻大力守城底出人城做得好守得住隻攻城車！
咁就要睇下其他人打到幾多！

結論係！玩野deck都係唔好睇勝率啦！

忠義 & 無勢 ~~

成個星期都無打過blog ~~ 係因為呢個星期我都係打左兩三日，每日打左幾局！無咩野好打所以無打！~~~~

今日算係有多d時間打多左幾舖 ~~ 今日既 deck 係忠義！

3代出左咁耐，俾人話廚既兩副deck，霸求同忠義！今日終於有機會試！
我打既係五枚：忠義、銀魏延、銀屏、月姬、廖化

紅藍紅既威力真係唔錯！係d細路仔太細隻，所以要護住都幾麻煩！不過護到既話，combo 落去真係幾係野！
結果今日10勝2敗！由4証2% 打到返4証98% ~~~~

呢個禮拜仲試過打無勢四騎：無勢、大喝、徐晃、龐德
都幾好玩，跳左舞控三隻又易控！放工唔想玩廚deck可以玩下！
不過太累就真係唔好打！有一日係咁走錯位四連敗！
結果兩日戰績係，9勝5敗！

星期三個日見同事打英傑傳，打到蜀傳最終章！
最後既指令係劉備5無雙單挑勝曹操！係旁邊睇完想試就打左舖！
結果拍到3無雙兩激！唔忿氣再打多舖！結果第二舖5無雙攪掂 ~~
希望自己ic可以兩舖攪掂啦！

-- 正IC 龐鳳雛（四代目）
官階：太尉（証 4）
三代全國對人戰績：277戰204勝2和71敗(73.6%)